On priyè initil, ki plen mépri é ki danjéré, sé on priyè Nèg-Afriken la ka fè pou on Bondyé Zansèt a-y pa dékouvè, pou Gangann é Jéni Titélè ki sòti adan dòt nasyon.

Kidonk, lè Nèg-Afriken la, madanm kon misyé, ka suiv rèlijyon juif, krétyen oben mizilman, sé pèd i ka pèd tan a-y ka priyédyé andézòd.

Tou lé jou, i ka louanjé on Bondyé étranjé é Zansèt ki pa ta-y; èvè anplisdisa, sélasa ka voyé sitèlman katèl anlè pèp a-y, kifè yo woumaké listwa a limanité an jan a yo pou krazé nasyon nèg la.

Bondyé a sé twa rèlijyon-la, èvè pèp i chwazi – nasyon sémit é endoéwopéyen – ka kontinyé rété lwen nasyon nèg la, ki asi latè ki adan monn envizib la.

Konyéla é onfwa-onfwa, i ja tan pou Nèg-Afriken, madanm kon misyé ki ansanm dépi milyon é milyon lanné, arété dérifizé é détui sa yo yé poubon.